Коронавирусқа шалдыққан 57 науқастың жағдайы өте ауыр – министрлік
НҰР-СҰЛТАН. ҚазАқпарат – Қазақстанда 28 мыңға жуық науқас коронавирустан ем қабылдауда. Бұл туралы Денсаулық сақтау министрлігінен мәлім етті, деп хабарлайды ҚазАқпарат.
3 ақпандағы мәлімет бойынша, елімізде 27 900 адам короновирус инфекциясынан (16 695 КВИ+ және 11 205 КВИ-) емделуде, олардың ішінде 5 788 пациент стационарда, 22 112 науқас амбулаториялық деңгейде ем қабылдауда.
КВИ+, КВИ- шалдыққандардың арасында:
- 310 адамның жағдайы ауыр;
- 57 пациенттің жағдайы өте ауыр;
- 52 науқас өкпені жасанды желдету аппаратына қосылған.
