Коронавирустың омикрон штамы егде жастағыларға қалай әсер етеді
«Адамның жасы неғұрлым үлкен болса, коронавирус соғұрлым қауіпті болады. Омикрон штаммын жиі жұқтырған адамдардың үлесі 60 жастан асқан, 29,4% немесе 334 жағдайды құрады. Егде жастағы пациенттерге коронавирусқа шалдығу қауіпті, сондықтан оларға вакцинация жасау керек», - деді Қасымхан Алпысбайұлы.
20-39 жас аралығындағы және 40-59 жас аралығындағы азаматтар көбінесе бірдей дәрежеде жұқтырады – 24%.
«14 жасқа дейінгі балалар арасында жұқтыру айтарлықтай жоғары деңгейде қалады – 17%, сондай-ақ 70 және одан жоғары жастағы зейнеткерлерді жұқтыру-16%. Бұл факт 12 жастан асқан жасөспірімдер, сондай-ақ 60 жастан асқан адамдар арасында вакцинациялау қажеттілігін көрсетеді. Соңғы 7 күнде 1 жасқа дейінгі балалар арасында инфекция 2,9% құрады (22 жағдай)»,- деді ол.
Өткен аптада індетке шалдыққандардың 92%-ның негізгі жұқтыру орындары: сауда объектілері – 32%, қоғамдық көлік – 27%, отбасылардағы байланыстар – 23% және базарлар – 10% болып отыр.
Ashyq жобасына қатысушы объектілерде жұқтыру 8-ден 10%-ға дейін өсті, бұл кіру топтарындағы ішінара формальды жұмыстың және үй карантинін бұзатын науқас азаматтардың хабардар еместігінің айғағы.
Бас санитарлық дәрігер Алматыда өзін-өзі оқшаулау режимін бұзғаны үшін «қызыл» мәртебесі бар 16 адам әкімшілік жауапқа тартылып, айыппұл төлегенін жеткізді.