Қос қазақстандықтың есімі Күрестің даңқ залына мәңгілікке жазылды
АСТАНА. ҚазАқпарат - Швейцарияда орналасқан ФИЛА-ның штаб-пәтеріндегі Күрестің даңқ залына қос қазақстандықтың есімі жазылды, деп хабарлайды sports.kz.
Мұндай атаққа Вадим Псарев пен Жақсылық Үшкемпіров лайық деп табылыпты. Бұл Ташкентте өткен ФИЛА конгресі кезінде белгілі болды.
Айта кетейік, даңқты қазақстандық жаттықтырушы Вадим Псаревтің шәкірттері халықаралық деңгейдегі 100-ге жуық марапатқа ие болған. Солардың ішінде ең жоғары дәрежеге жеткен - олимпиаданың екі дүркін чемпионы Валерий Рязанцев болды.
Сондай-ақ, бұл тізімге қазақтан шыққан тұңғыш олимпиада чемпионы Жақсылық Үшкемпіров те қосылды. Ол 1980 жылғы олимпиадада болгариялық Павел Христовты 12:7 есебімен ұтып, ұлтының даңқын асқақтатқан болатын. Оның ерлігін осы күнге дейін ешкім қайталай алмай келеді.
