Қошқарбаев даңғылы жабылды: Жолды дұрыс жөндемеген мердігер жұмысты қайта бастайды
АСТАНА. KAZINFORM — Астана қаласының көлік және жол-көлік инфрақұрылымын дамыту басқармасы Рахымжан Қошқарбаев даңғылының Мұқсан Төлебаев көшесінен Өзбекәлі Жәнібек көшесіне дейінгі учаскесінде жол төсеміндегі кемшіліктерді жою жұмысы жүргізілетінін хабарлады.
Жұмыс мердігер ұйымның кепілдік міндеттемесіне сәйкес өз қаражаты есебінен жүргізіледі.
Осыған байланысты 10-11 шілдесінде жоғарыда аталған учаске ішінара жабылады.
«Елорда тұрғындары мен қонақтарынан қала жолдарында кептеліс болмас үшін өз маршрутын алдын ала жоспарлауды сұраймыз. Уақытша қолайсыздық үшін кешірім сұраймыз және жол-құрылыс жұмысын жүргізуге түсіністікпен қарауды өтінеміз» деп ескертеді әкімдіктен.
