Қосшыда 6 жасар бала төртінші қабаттың терезесінен құлап кетті

КӨКШЕТАУ. KAZINFORM – Қосшы қаласындағы тұрғын үйдің төртінші қабатының терезесінен құлап кеткен 6 жасар бала ауруханаға жатқызылды. 

Ақмола облысы ПД баспасөз қызметінің мәліметінше, жазатайым оқиға 16-шілдеде болған. 

«Ата-анасы көз жазып қалған 2018 жылғы ұл бала абайсызда төртінші қабаттағы пәтердің терезесінен құлап кетті. Қазіргі кезде ол ауруханаға жатқызылды», - деді ведомстводан.

Осы ретте, тәртіп сақшылары ата-аналарды кішкентай балаларды терезесі ашық бөлмеде қараусыз қалдырмауға шақырады.

Айта кетсек бұдан бұрын Ақмола облысында бір бала терезеден құлағанын жазған едік.