Қостанай, Ақтөбе облыстарында өрт салдарынан ер адам мен бала ажал құшты
АСТАНА. 23 мамыр. ҚазАқпарат - Қостанай мен Ақтөбе облыстарында жеке тұрғын үйлер отқа оранған. Бұл туралы ҚР ТЖМ баспасөз қызметінен хабарланды.
Қостанай облысында тілсіз жауды ауыздықтауға ҚР ТЖМ Қостанай облыстық ТЖД өрт сөндіру қызметінің 8 маманы мен 3 техникасы жұмылдырылды. Жалын 40 шаршы метр аумақты шарпыған. Оқиға орнынан 49 жастағы ер адамның мүрдесі табылды.
Ақтөбе облысының Никельтау елді мекенінде шыққан өрт сағат 19.55-те сөндірілді. Жалынды ауыздықтауға ҚР ТЖМ Ақтөбе облыстық ТЖД өрт сөндіру қызметінің 12 маманы мен 2 техникасы тартылды. Тілсіз жау жайпаған аумақтың көлемі 70 шаршы метрді құрап отыр. Оқиға орнынан 9 жастағы баланың мәйіті табылды.
