Қостанай облысында бизнес пен бюджет үшін электр энергиясының бағасы төмендеді
АСТАНА. KAZINFORM — 2024 жылғы 1 сәуірден бастап ҚР ҰЭМ ТМРК аумақтық департаменттері реттелмейтін электрмен жабдықтаушы ұйымдардың лицензияларының қолданылуын тоқтата тұру жөнінде шаралар қабылдады. Бұл ретте «Костанайский ЭнергоЦентр» ЖШС қоса алғанда, реттелетін электрмен жабдықтаушы ұйымдар үшін бағаларды табиғи монополиялар саласындағы уәкілетті орган белгілейді.
«Костанайский ЭнергоЦентр ЖШС Қостанай облысының көптеген тұтынушылары үшін электр энергиясын өткізу жөніндегі қоғамдық маңызы бар нарықтың субъектісі болып саналады. Реттеу тұтынушылардың әрбір санаты (жеке тұлғалар, заңды тұлғалар, бюджеттік ұйымдар) үшін шекті тарифтерді белгілеу және тарифтерді саралау арқылы жүзеге асырылады.
«ҚР Үкіметі қабылдаған шаралардың нәтижесінде „Костанайский ЭнергоЦентр“ ЖШС электр энергиясын өткізу көлемі айтарлықтай өсті. Егер бұрын бекітілген құрылымда іске асыру көлемі бір жылға шамамен 650 млн кВт сағ құраса, онда 2024 жылдың соңына болжам бойынша іске асыру көлемі 920 млн кВт сағ құрайды, бұл 41,5%-ға өсуге сәйкес келеді.
Осылайша, Қостанай облысындағы барлық реттелмейтін электрмен жабдықтаушы ұйымдардың қызметін тоқтата тұру қосымша өткізу көлемдерінің ағыны есебінен электрмен жабдықтаудың өзіндік құнын төмендетуге ықпал етті», — деп жазды ҚР ҰЭМ Табиғи монополияларды реттеу комитетінен.
Осылай, ағымдағы жылдың шілде айында департамент Қостанай облысында заңды тұлғалар үшін тарифті 6%-ға, ал 2024 жылғы 1 қазанда тағы 15%-ға төмендетті. Нәтижесінде заңды тұлғалар үшін тарифтің жалпы төмендеуі 20%-дан асты.
Айта кету керек, «Костанайский ЭнергоЦентр» ЖШС бастапқыда Табиғи монополияларды реттеу комитетінің Қостанай облысы бойынша департаментіне электрмен жабдықтау қызметтерінің бағасын 31,29 теңге/кВтсағ-тан 34,34 теңге/кВтсағ-қа дейін көтеру туралы хабарлама жіберді, бұл 9,8% — ға ұлғаюды көздейді. Бұл өсімнің себебі ұйым 2024 жылдың соңына дейін тұтынушылардан жинауды жоспарлап отырған 1,2 млрд. теңгеден астам көлемде алынбаған табысты есепке алу қажеттігін көрсетті.
Осыған қарамастан, жүргізілген сараптама нәтижелері бойынша ұсынылатын қызметтер көлемінің өсуі есебінен энергиямен жабдықтаушы ұйымның 1,4 млрд теңге мөлшерінде қосымша пайда алғаны анықталды.
Осылай, субъектінің жобаланатын орташа бағасы негізделген баға деңгейіне дейін төмендетілді — 29,14 теңге/кВтсағ (ҚҚС-сыз), бұл бұрын қолданыста болған бағадан 7%-ға аз. Заңды тұлғалар үшін тариф ҚҚС-сыз кВт сағ үшін 29,14 теңгені (15%-ға төмендету), ал бюджеттік ұйымдар үшін ҚҚС-сыз кВтсағ үшін 67,34 теңгені (14%-ға төмендету) құрайды.
Төмендетілген тарифтер 2024 жылдың 1 қазанынан бастап күшіне енді.
