Қостанай облысында 21 жастағы жігіт суға кетті
ҚОСТАНАЙ. ҚазАқпарат – Қостанай облысында 21 жастағы жігіт суға батып кетті, деп хабарлайды ҚазАқпарат.
Ақпаратты облыстық ТЖД баспасөз қызметі растады. Оқиға бүгін Қарасу ауданында болған.
«Іздестіру жұмысының нәтижесінде жедел-құтқару жасағының қызметкерлері Айдарлы су айдынынан 1999 жылғы жігіттің денесін алып шықты. Куәгерлердің айтуынша, жас жігіт 3 маусым күні достарымен су жағасында жүрген. Суға шомылуға жабдықталмаған жерде белгісіз жағдайда суға батып кеткен», - делінген ТЖД хабарламасында.
Қостанай облысы Төтенше жағдайлар департаменті азаматтарды судағы қауіпсіздік ережелерін сақтауға шақырады.
