Қостанай облысында «Бизнестің жол картасы» мембағдарламасы аясында 52 жоба мақұлданды
ҚОСТАНАЙ. ҚазАқпарат - «Даму» Кәсіпкерлікті қолдау қорының қостанайлық филиалының ақпаратынша, бірінші жартыжылдықта «Бизнестің жол картасы-2020» бағдарламасы аясында жалпы құны 52,5 млрд. теңгені құрайтын 52 жоба Қор тарапынан қолдауға ие болған. Бұл туралы Қор менеджері Әсел Казакова мәлім етті.
«Субсидиялау бойынша аймақтық үйлестіру кеңесі 5 млрд. 454 млн. 500 мың теңгенің 52 жобасын мақұлдады. 2 млрд. 840 млн. 900 мың теңгенің 66 субсидиялау келісімшартына қол қойылды. Кепілдендірілген 194,9 млн. теңгенің 27 жобасы қолдауға ие болды, 201,8 млн. теңгеге кепілдік шартына қол қойылды», - деді Ә. Казакова.
«Даму» Қорының өз бағдарламаларын жүзеге асыру аясында «Даму-Көмек» бағдарламасы бойынша 1-ші жарты жылдықта мүмкіндігі шектеулі 6 кәсіпкерге демеушілік қолдау көрсетілді.
