Қостанай және Солтүстік Қазақстан облыстарында күн бұзылады

НҰР-СҰЛТАН. ҚазАқпарат – «Қазгидромет» РМК Қостанай және Солтүстік Қазақстан облыстарында ауа райына байланысты ескерту жариялады, деп хабарлайды ҚазАқпарат.

18 қыркүйекте таңертең және күндіз Қостанай облысының кей жерлерінде найзағай ойнайды. Оңтүстік-батыстан жел соғып, оның екпіні 15-20, кей жерлерде 23 м/с-ке дейін жетеді.

18 қыркүйекте Қостанай қаласында оңтүстік-батыстан жел соғып, оның күші 15-20 м/с болуы ықтимал

18 қыркүйек күндіз Солтүстік Қазақстан облысының кей жерлерінде найзағай ойнап, дауыл соғады. Түнде және таңертең кей жерлерге тұман түседі. Оңтүстік-батыстан жел соғып, оның екпіні 15-20, кей жерлерде 23 м/с-ке дейін жетеді.

Сол күні Петропавл қаласында найзағай ойнайды. Оңтүстік-батыстан жел соғып, оның екпіні 15-20 м/с болуы ықтимал.

Дауылды ескертудің ықтималдығы - 90-95%.