Қостанайда 23 үйге уақытша ыстық су берілмейді
ҚОСТАНАЙ. ҚазАқпарат – Қостанай қаласында 23 тұрғын үй 15 қыркүйекке дейін ыстық судан ажыратылды, деп хабарлайды ҚазАқпарат alau.kz сайтына сілтеме жасап.
«Жұмыспен қамтудың жол картасы» мемлекеттік бағдарламасын іске асыру аясында 3-ші қазандықтың екінші өткізгішін реконструкциялау жұмысы жүріп жатыр.
Жұмысты «Интерстиль» мердігер ұйымы атқарып келеді.
27 шілдеден бастап 15 қыркүйекке дейін мына мекенжайларға ыстық су беру тоқтатылады:
5-ші шағынаудан: 1, 3, 5, 7, 7А, 7Б, 8, 9, 10, 10А, 10Б, 11, 12, 12А, 13, 14, 16, 17, 18, 20, 21, 21А; Арыстанбеков көшесі, 3/10.
Барлығы - 23 тұрғын үй.
Жылу компаниясы уақытша қолайсыздық үшін кешірім сұрайды.
