Қостанайда есірткі контрабандасының арнасы жойылды - ҚР ІІМ
АСТАНА. 16 наурыз. ҚазАқпарат /Жасұлан Аманбайұлы/ - Қостанайда полиция қызметкерлері есірткі контрабандасының арнасын жойды.
Бұл жөнінде бүгін Астанада ҚР Ішкі істер министрлігі Тіл саясаты және ақпарат департаментінің бастығы Қуанышбек Жұманов мәлім етті.
Арнайы операцияның барысында Құсмұрын станциясында «Астана-Санкт-Петербург» бағытындағы поездың 35 жастағы жолаушысы құрықталып, одан 1 килограмға жуық гашиш алынған.
Қ. Жұмановтың айтуынша, есірткінің одан әрі РФ-да сатуға арналғаны белгілі болды.
Ұсталған қамауға алынды, сондай-ақ есірткі контрабандасы фактісі бойынша қылмыстық іс қозғалып, тергеу амалдары жүргізілуде.
