Қостанайда газ баллоны жарылып, көлік өртенді

ҚОСТАНАЙ.ҚазАқпарат - Затобол кентіндегі үй аулаларының бірінде тұрған көлік жанып кетті, деп хабарлайды ҚазАқпарат тілшісі.

Көлік Олимпийская көшесіндегі аулалардың бірінде өртенген.  Қостанай облысы ТЖД өрт сөндіру қызметі мамандары қызыл жалынды сағат 16:34-те ауыздықтады. 

 «Өрттің нақты себебі әлі белгісіз. Алдын ала болжам бойынша, көлік қозғалтқыштағы электр өткізгіштің қысқа тұйықталуы салдарынан тұтанған. Содан соң ішіндегі газ баллоны жарылуы мүмкін», - деп хабарлады облыстық ТЖД баспасөз қызметі. 

Өрт аумағы 5 шаршы метрді құрайды. Еске салсақ, 30 қыркүйек күні «ВАЗ 21099» автокөлігінің өртенгені туралы тұрғындар әлеуметтік желілерде таратты.

Зардап шеккендер жоқ.