Қостанайда із-түзсіз жоғалып кеткен жігіт табылды
ҚОСТАНАЙ. ҚазАқпарат - Із-түзсіз жоғалып кеткен Қостанай қаласының тұрғыны Никита Миляев табылды, деп хабарлайды ҚазАқпарат облыстық полиция департаментінің баспасөз қызметіне сілтеме жасап.
«Бүгін, 2019 жылғы 15 ақпанда жоғалып кеткен ер адам үйіне келді. Ол осы уақытқа дейін таныстарының үйінде болған», - делінген ведомствоның баспасөз қызметі хабарламасында.
Бұған дейін хабарлағанымыздай, облыстық полиция департаментінің баспасөз қызметі Қостанай қаласының тұрғыны Никита Миляевтің жоғалып кеткені туралы әлеуметтік желілерде жарияланған ақпаратты растады. Ол қаладағы үйінен 9 ақпан күні шығып кетіп, сол күйі хабар болмаған еді. Іздестіру жұмыстарына еріктілер де қосылған болатын.
