Қостанайда мемлекеттік тілдің қоғамдық маңызы мен патриоттық рөлі талқылануда
Екі күнге созылатын бұл семинарды Мәдениет және ақпарат министрлігінің Тіл комитеті Қостанай облысының Тілдерді дамыту басқармасымен бірлесіп ұйымдастырып отыр. Оған мәдениет және ақпарат вице-министрі Ғазиз Телебаев, Парламент Сенаты мен Мәжілісінің депутаттары Хұсайын Уәлиев пен Ольга Киколенко, тілдерді дамыту жөніндегі облыстық басқармалардың басшылары, көрнекі жарнамалар агенттіктерінің жетекшілері, Қостанай облысының қала және аудан әкімдерінің орынбасарлары, қоғам өкілдері, тілтанушы ғалымдар қатысуда.
Семинарға қатысушылар жергілікті мемлекеттік органдарда мемлекеттік тілде іс жүргізу мәселелеріне тұрақты назар аудару қажеттілігін атап көрсетуде. Мемлекеттік тіл саясатын насихаттау жұмыстарына қоғамдық бірлестіктерді, үкіметтік емес ұйымдарды тарту туралы ұсыныстар айтылды.
Семинарға қатысушылар жұмыс қорытындысы бойынша мемлекеттік тілдің бәсекеге қабілеттігін арттыруға, толерантты тіл ортасын жасауға сеп болатын іс-шараларды жүйелі өткізу жөніндегі жұмыстардың белсенділігін арттыру қажеттілігі атап көрсетілетін ұсыныс-кеңестер қабылдайды.