Қостанайда сауда орталығынан өрт шығып, үш адам ауруханаға түсті
ҚОСТАНАЙ. ҚазАқпарат - «Қостанай Плаза» сауда, ойын-сауық орталығындағы шатханадан өрт шықты, деп хабарлайды ҚазАқпарат.
Облыстық ТЖД баспасөз қызметінің мәліметінше, оқиға бүгін 18:00 шамасында болған.
«Қостанай Плаза» СОО екінші қабатында орналасқан «Ваниль» шатханасында май тұтанған. Салдарынан 1969, 1989 және 1995 жылы туған үш адам ауруханаға жеткізілді», деп хабарлады ведомствоның баспасөз қызметі.
Өртті сауда орталығы қызметкерлері сөндірген. Оқиға барысында басқа да жарақат алғандар бар.
Фото: kstnews.kz
