Қостанайда теміржол станциясының бастығы қызметінен босатылды
АСТАНА. KAZINFORM – Қостанай облысында теміржолға жауапты бірнеше лауазымды тұлға жұмыстан шығарылды және жауапқа тартылды. Бұл туралы «Қазақстан темір жолы» АҚ баспасөз қызметі хабарлайды.
«Компания басшылығының өңірге жұмыс сапары кезінде Қостанай вокзалы мен оған іргелес аумақтың қанағаттанарлықсыз жай-күйіне байланысты Қостанай станциясының бастығы және Қостанай магистральдық желі бөлімшесі директорының вокзал шаруашылығы жөніндегі орынбасары лауазымынан босатылды», - делінген хабарламада.
Одан бөлек, Қостанай жүк тасымалдау бөлімшесінің директоры, Қостанай магистральдық желі бөлімшесінің директоры шаруашылықты тиісті деңгейде ұстамағандары үшін тәртіптік жауапқа тартылды.
«Аталған кемшіліктерді қысқа мерзімде жою міндеті қойылды», - дейді ұлттық компаниядан.
