Қостанайда терезеден құлап кеткен бір жасар баланың жағдайы ауыр

ҚОСТАНАЙ. ҚазАқпарат - Қостанайда бір жасар бала 3-қабаттың терезесінен құлап кетті, деп хабарлайды ҚазАқпарат Төтенше жағдайлар министрлігіне сілтеме жасап.

Оқиға 25 сәуір күні кешке сағат 19:50-де Чехов көшесіндегі 5 қабатты тұрғын үйде болған.

Бала ересектердің қарауынсыз қалып, ашық тұрған терезеге мініп, сыртқа құлап кеткен.

Сәби шұғыл түрде қалалық балалар ауруханасының реанимациясына жатқызылды.

Дәрігерлер жабық бас миының жарақаты, жағдайы ауыр деген диагноз қойды.

Қостанай облысының ТЖД кезекті рет ата-аналарды балаларды қараусыз қалдырмауға шақырады.