Қостанайдағы жол апаты: мотоциклші мерт болды
ҚОСТАНАЙ. ҚазАқпарат - 29 жастағы мотоцикл жүргізушісі жол-көлік апаты кезінде мерт болды, деп хабарлайды ҚазАқпарат облыстық ІІД баспасөз қызметіне сілтеме жасап.
Оқиға Қостанайдағы Бородин-Амангелді көшелерінің қиылысында болған. Бородин көшесінде келе жатқан 29 жастағы «Yamaha» мотоциклінің жүргізушісі «Mitsubishi» көлігін барып соққан. Салдарынан мотоциклші оқиға орнында көз жұмды. Ал автокөлік иесіне амбулаториялық көмек көрсетілді.
Аталған дерек негізінде ҚР ҚК 345-бабы («Жол қозғалысы ережесінің бұзылуы») бойынша тергеу шаралары басталды.
