Қостанайдың 26 жастағы тұрғыны бесінші қабаттан құлап кетті

ҚОСТАНАЙ. ҚазАқпарат - Қостанай қаласында 26 жастағы әйел бесінші қабаттан құлап кетті, деп хабарлайды ҚазАқпарат тілшісі облыстық ІІД баспасөз қызметіне сілтеме жасап.

Оқиға 3 қараша күні облыс орталығында болды.

«26 жастағы әйел сағат 00.20 шамасында Қостанайдағы Строительная көшесіндегі үйдің 5 қабатындағы балконнан секірген. Ол бірнеше ауыр дене жарақаттарымен қалалық ауруханаға жеткізілді», - деді ведомствоның баспасөз хатшысы Ирина Беженарь. 

5-қабаттан құлап кеткен тұрғын  травматология бөліміне көшірілді. Жағдайы бірқалыпты.

 Аталған факт бойынша ҚР ҚК 105-бабымен («Кісі өліміне дейін жеткізу») сотқа дейінгі тергеу амалдары басталды.