Қостанайлық құтқарушылар қолдан жасалған салмен жүрген балаларды ата-аналарына қайтарды
Күн сайынғы рейд облыстың жабдықталған және бақылаусыз жағажайларында жүргізіледі. Қалада және облыста суға түсуге арнайы жабдықталған орындардың болуына қарамастан, көпшілік тұрғындар бөлектеніп, суға түсуге арнайы жабдықталмаған орындарда және құтқарушы - жасақшылармен күзетілмейтін орындарда суға шомылғанды жөн көреді.
Құтқарушылар тұрғындарға қауіпсіздік шараларын түсіндіріп, 1 250-ден астам кеңес берілді, жағажайда 3 мыңдай парақшалар мен жаднамалар таратылды.
Күн сайынғы рейдтік іс-шаралар барысында суайдынында үлкендердің қарауынсыз жүрген балаларда бар. Бейтаныс суайдынында ересектердің бақылауында болған бала да суға батып кетуі мүмкін. Жағада демалып ата-аналарымен жатқан екі бала суға шомыламыз деп, су астындағы шұңқырға түсіп кеткен, ата-аналары бір баланы ғана құтқарып калды.
10 шілдеде құтқарушылар тақтайдан құрастырып қолдан жасалған салдан төрт баланы түсіріп алып, ата-аналарына қайтарды.
Суға түсу маусымында құтқарушылар мас күйдегі үш жасөспірімді үйлеріне жеткізіп және ата-аналарына табыстады. Құқыққорғау органдарымен бірлесіп жасөспірім балалардың ата-аналарымен профилактикалық әңгімелесу жүргізілді.
Жүргізілген жұмыстарға қарамастан, жылдың басынан бастап облыста 3 бала суға кетті, барлық жағдайлар ата-аналардың салғыртығынан болған.
Құтқарушылар азаматтардан жағажайда және суда қауіпсіздік ережелерін сақтауды сұрайды, балаларға суайдынында қауіпсіздік ережесін бұзу кезінде оларға қандай қауіп төнетінін ескерткен өте маңызды.