Қостанайлық полицейлер із-түзсіз жоғалған зейнеткерді тапты
ҚОСТАНАЙ. ҚазАқпарат - Қостанай қаласының полиция қызметкерлері із-түзсіз жоғалған ер адамды тауып, үйіне жеткізді, деп хабарлайды ҚазАқпарат.
Облыстық полиция департаментінің баспасөз қызметі мәлімдегендей, 64 жастағы ер адам үйінен қаланың солтүстік ауданына қарай шығып кеткен. Үйіне оралмаған соң, туған-туыстары бірден полицияға хабар берді.
«Қостанай облысы полиция департаменті гарнизонының жеке құрамы тез арада егде адамды іздестіру жұмыстарына жұмылдырылды. Қарауылдау кезінде полицейлер Мұрат Имамбаев пен Самрат Төленді Қостанай-2 дүкенінің жанында жүрген ер адамды байқады. Тәртіп сақшылары ер адамға жақындап, жоғалған зейнеткер екенін анықтады. Ол өзінің КСК шағын ауданында тұратынын ғана айтқан. Ол Солтүстік полиция бөліміне жеткізілді»,- деді облыстық полиция департаментінің баспасөз хатшысы Ирина Беженарь.
Кейін анықталғандай, ол шынымен де іздестіріліп жатқан зейнеткер болып шықты. Полицейлер оны үйіне алып келді.
