Қостанайлықтар Астанаға арзан бағамен 650 тонна өнім әкелді
АСТАНА. ҚазАқпарат - 5-6 тамызда Астанадағы Қостанай күндері аясында «Қазақстан» спорт кешені алаңында Қостанай облысының ауыл шаруашылығы өндірушілері, кәсіпорындары және жеке кәсіпкерлерінің қатысуымен «ЭКСПО-2017» көрмесіне арналған ауыл шаруашылығы жәрмеңкесі өтеді.
Қостанайлықтар базардағыдан төмен бағамен өнім ұсынады, деп хабарлады ortcom.kz. Жәрмеңкеге Қостанай облысының 14 ауданы мен қаласынан ауыл шаруашылығы тауарларын өндірушілер қатысады. Сөрелерге 100 түрлі шұжық, сүт, кондитерлік, ұн, макарон өнмдері қойылады. Барлығы 650 тоннаға жуық өнім сатылады.
«Жәрмеңке екі күн таңғы сағат 10-нан кешкі 4-ке дейін жұмыс істейді. Сатып алушыларға 55 тонна картоп, көкөністер ұсынылады. Еттен (сиыр еті, жылқы еті, қой еті, тауық еті) басқа тәттілер, табиғи бал сатылады», - деді Орталық коммуникациялар қызметінде ауыл шаруашылығы басқармасының басшысы Байбосын Мурзин.
