Көтергіш машинаның тоқтап қалуы салдарынан 32 кенші шахтада қалып қойды
АСТАНА. Тамыздың 5-і. ҚазАқпарат - Сейсенбі күні Шығыс Қазақстан облысының Риддер қаласында кернеудің төмендеп кетуі салдарынан «Қазмырыштың» Риддер-Сокольный руднигіндегі Быструшинский шахтасының бағанында көтергіш машина апатты жағдайда тоқтап қалды,
деп хабарлайды Төтенше жағдайлар министрлігінің баспасөз қызметінен.
Төтенше оқиға тамыздың 4-і күні сағат 13.50-де орын алды. Көтергіш машина тоқтап қалған кезде, клетте 32 кенші болған. Сағат 16.20-да Риддер әскерилендірілген кен-құтқару жасағының екі бөлімшесінің күшімен барлық кенші қауіпсіз жерге шығарылды. Зардап шеккендер мен құрбан болғандар жоқ.
