Коттеджде жаңажылдық корпоратив өткізгендер анықталды – Семей
СЕМЕЙ. ҚазАқпарат – Семейде коттеджде жаңажылдық корпоратив өткізгендер анықталды, деп хабарлайды ҚазАқпарат тілшісі қала әкімдігінің Instagram-дағы парақшасына сілтеме жасап.
«Семейде кезекті рейд барысында карантин талаптарының бұзулы фактісі тіркелді. Бүгін түс кезінде бекітілген шектеулерге қарамастан қаладағы коттедждердің бірінде ұжымдық шара ұйымдастырылған. Құқық қорғау органдары ереже бұзушыларға қатысты ӘҚБтК-нің 425 бабы бойынша материалдарды жинақтап, қалалық санитарлық-эпидемиологиялық бақылау басқармасына жіберді», - делінген ақпаратта.
Естеріңізге сала кетсек, ШҚО Бас мемлекеттік санитарлық дәрігерінің қаулысына сәйкес, отбасылық, салтанатты, еске алу шаралары, банкеттер, үйлену тойлары, мерейтойлар, ас беру және басқа да бұқаралық іс-шараларды өткізуге тыйым салынған.
