ҚР Әділет министрі ХНО-ның халықаралық ынтымақтастық комиссиясы өкілдерімен кездесті
АСТАНА. 10 қыркүйек. ҚазАқпарат - 2013 жылдың 10 қыркүйегінде Әділет министрі Берік Имашев Халықаралық нотариат одағының (ХНО) халықаралық ынтымақтастық комиссиясының өкілдерімен кездесті. Бұл туралы аталған ведомствоның хабарламасында айтылған.
ХНО нотариаттық функцияларды жүргізу, үйлестіру және дамыту үшін құрылған халықаралық үкіметтік емес ұйым болып табылады.
Кездесу мақсаты - Қазақстанның нотариат жүйесінің хал-ахуалымен танысу, сондай-ақ алдын ала сараптама жүргізу болып табылады. Осының аясында құқықтық қорды, нотариатты техникалық жарақтандыруды ұйымдастыру негіздері мен хал-ахуалын зерделеу болжанып отыр.
Кездесу нәтижелері бойынша отандық нотариаттың елдердің құқықтың құрлықтық жүйесіне сәйкес келу мәселелері және ХНО құрамына Қазақстанның енуі мәселелері қаралды.
