ҚР Ауыл шаруашылығы министрінің бірінші орынбасары тағайындалды
АСТАНА. ҚазАқпарат - Айтуғанов Қайрат Қапарұлы Қазақстан Республикасының Ауыл шаруашылығы бірінші вице-министрі болып тағайындалды, деп хабарлайды ҚР АШМ баспасөз қызметі.
Бұдан бұрын Қайрат Айтуғанов ҚР Кәсіподақтар федерациясы төрағасының орынбасары қызметінде болған.
Айтуғанов Қайрат Қапарұлы 1962 жылы 12 сәуірде Солтүстік Қазақстан облысында дүниеге келген.
1984 жылы Целиноград ауыл шаруашылық институтының Көкшетау филиалын және 2000 ж. Алматы энергетика және байланыс институтын бітірген.
Әр жылдарда Қайрат Қапарұлы Айтуғанов Қарағанды облысы әкімшілігінде, «ҚазАгро» ҰБХ» АҚ, ҚР Ауыл шаруашылығы министрлігінде және т.б. әр түрлі қызметтерді атқарған.
