ҚР Бас прокуроры Индонезия сот жүйесінің өкілдерімен кездесті
ТАНА. 25 қазан. ҚазАқпарат. Бүгін Қазақстан Республикасының Бас прокуроры Асхат Дауылбаев Қазақстанда іссапармен жүрген Индонезия сот жүйесінің өкілдері - Конституциялық сот Төрағасы Мохаммад Махфудты, Конституциялық сот судьясы Мария Индратиді және ресми делегацияның өзге де мүшелерін қабылдады,
деп хабарлайды Бас прокуратураның баспасөз қызметі.
А.Дауылбаев қонақтарды прокуратура органдарының қызметімен таныстырып, халықаралық - құқықтық саладағы атқарылған жұмыстарға қысқаша тоқталып өтті.
Ол индонезиялық тарапқа терроризммен, ақшаны жылыстатумен және өзе де қазіргі заманның қауіп-қатерлерімен күрес салаларында ынтымақтастықты тереңдетуді ұсынды.
М.Махфуд өз тарапынан жылы қабылдау үшін алғысын айтып, өзара іс-қимыл салаларын одан әрі дамыту және кеңейтуге дайындығын білдірді.
