ҚР бірқатар аймақтарында бұршақ жауады деп күтілуде - 3 шілдеге арналған ауа райы болжамы

АСТАНА. 2 шілде. ҚазАқпарат - Атмосфералық фронталды ағындардың өтуіне байланысты ҚР бойынша 3 шілдеде ауа райының тұрақсыздығы сақталады, кей жерлерде өткінші жаңбыр жауып, найзағай жарқылдайды, бұршақ жаууы мүмкін, ұйытқыған жел соғып, кей жерлерде шаң көтеріліп, дауыл тұрады.

Бұл туралы Қазгидрометке сілтеме жасап, ҚР ТЖМ баспасөз қызметі хабарлайды.

Ақмола, Жамбыл, Павлодар, Қарағанды облыстарында кей жерлерде 15-20 м/с жел соғады, кей жерлерде бұршақ жаууы мүмкін.

Оңтүстік Қазақстан, Қызылорда, Шығыс Қазақстан облыстарында, күндіз Алматы, Батыс Қазақстан облыстарында кей жерлерде жел 15-22 м/с-қа дейін күшейеді, шаң көтеріліп, дауыл тұрады.

Күндіз Ақтөбе, Солтүстік Қазақстан облыстарында кей жерлерде 15-20 м/с-қа жел соғады.

Қостанай, Маңғыстау облыстарында 15-20 м/с жел соғады деп күтілуде, түнде тұман түседі.

Алматы облысында кей жерлерде қатты ыстық болады.

Республиканың солтүстік-батысында, солтүстік-шығысында, шығысында, оңтүстік-шығысында, оңтүстігінде және орталығында төтенше жоғары өрт қаупі сақталады.

Жақын тәуліктерде республиканың оңтүстігінің, оңтүстік-шығысының және шығысының таулы өзендерінде су деңгейінің тұрақсыздығы күтілуде. Қазақстанның басқа сулы нысандарында гидрологиялық тәртіпте айтарлықтай өзгерістер күтілмейді.