ҚР-да бажсыз сауда дүкендерінде тауарларды өткізу қағидалары бекітілді

Бұл туралы ресми БАҚ хабарлады.

Бажсыз сауда дукендерінде тауарларды өткізу қағидаларын, бажсыз сауда дүкендері иелерінің тізіліміне енгізудің қосымша шарттарын бекіту туралы

Қазақстан Республикасы Үкіметінің қаулысы

2012 жылғы 13 қаңтар №40 Астана, Үкімет Үйі

 «Қазақстан Республикасындағы кеден ісі туралы» Қазақстан Республикасының 2010 жылғы 30 маусымдағы Кодексінің 54-бабының 5) тармақшасына, 409-бабының 1-тармағына сәйкес Қазақстан Республикасының Үкіметі каулы етеді:

1.   Қоса беріліп отырған:

1)   Бажсыз сауда дүкендерінде тауарларды өткізу қағидалары;

2)    Бажсыз сауда дүкендері иелерінің тізіліміне енгізудің қосымша шарттары бекітілсін.

2.   Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

                                                                     Қазақстан Республикасының Премьер-Министрі К.МӘСІМОВ.

 Бажсыз сауда дүкендерінде тауарларды өткізу қағидалары

1.Осы Қағидалар бажсыз сауданың кедендік рәсіміне орналастырылған тауарларды шетелдік дипломатиялық өкілдіктерге, халықаралық ұйымдардың оларға теңестірілген өкілдіктеріне, консулдық мекемелерге, сондай-ақ дипломатиялық агенттерге, консулдық лауазымды адамдарға және олармен бірге тұратын отбасы мүшелеріне өткізу тәртібін анықтайды.

2.Қазақстан Республикасының заңнамасына сәйкес бажсыз сауда дүкендерінде тауарлар бөлшек саудада өткізіледі.

3.Астанада тауарларды өткізу шетелдік дипломатиялық өкілдіктерге, халықаралық ұйымдардың оларға тенестірілген өкілдіктеріне, консулдық мекемелерге, сондай-ақ дипломатиялық агенттерге, консулдық лауазымды адамдарға және олармен бірге тұратын отбасы мүшелеріне, мұндай тұлғаның Қазақстан Республикасы заңнамасына сәйкес Қазақстан Республикасы Сыртқы істер министрлігінде аккредиттелгенін растайтын құжатты ұсынған кезде және Қазақстан Республикасы Сырткы істер министрлігінің ұсынған таратуға шек қойылған қызметтік ақпаратында тауарларды өткізу кезінде осы тұлға туралы деректер болған жағдайда жүзеге асырылады.

4. Бажсыз сауда дүкендерінде тауарларды өткізу Қазақстан Республикасының салық заңнамасына сәйкес бақылау-касса машиналарын міндетгі түрде қолдана отырып, сондай-ақ салық заңнамасының шот-фактураны жазу және оны тауарларды сатып алушыға беру бойынша талаптарын сақтай отырып жүзеге асырылады.

5.Сатып алушыға берілетін бақылау-касса машинасының чегі немесе тауарға, жұмысқа, көрсетілген қызметке төленген сомаға тауарлық чек (сауда автоматтарында қолданылатын бақылау-касса машиналарын қоспағанда) тауарды сату фактісін растайтын құжат болып табылады. Мұндай құжаттардың көшірмесі бажсыз сауда дүкендерінде сақталады.

 
Қазақстан Республиксы Үкіметінің 2012 жылгы 13 қаңтардағы №40 қаулысымен бекітілген

Бажсыз сауда дүкендері иелерінің тізіліміне енгізудін косымша шарттары

Осы қосымша шарттар «Қазақстан Республикасындағы кеден ісі туралы» Қазақстан Республикасының 2010 жылғы 30 маусымдағы Кодексінің (бұдан әрі - Кодекс) 54-бабының 5) тармақшасына сәйкес әзірленді және бажсыз сауда дүкендері иелерінің тізіліміне енгізудің қосымша шарттарын белгілейді.

Кодекстің 409-бабы 1-тармағының 2) тармақшасында көзделген бажсыз сауда дүкендері иелерінің тізіліміне енгізудің қосымша шарттары мыналар болып табылады:

1) Қазақстан Республикасының заңнамасында белгіленген талаптарға сәйкес Қазақстан Республикасы Сыртқы істер министрлігінде тұлғаның аккредитацияланғанын растайтын құжатгы сканерлеу үшін құрылғының болуы;

2) Бажсыз сауда дүкенінің аумағына жеке тұлғалардың кіруіне бақылау-өткізу режимінің болуы;

3) Қазақстан Республикасы Сырткы істер министрлігінің таратылуы шектеулі қызметтік ақпаратын пайдалана отырып, жұмыс жүргізуге Қазақстан Республикасы Сыртқы істер министрлігінің рұксатының болуы;

4) Бажсыз сауда дүкені аумағында соңғы күнтізбелік отыз күн ішінде болған окиғалар туралы бейне ақпараттарды карауды жүзеге асыруға мүмкіндік беретін, тәулік бойғы режимде жұмыс істейтін бейне бақылау кұралдарымен жабдықталған адамдардың аумакқа және (немесе) үй-жайларға (кедендік бақылауға жататын кұжаттар, тауарлар тұрған) кіруін және аумақтан және (немесе) үй-жайлардан шығуьн бақылау жүйесінің болуы.

Қазақстан Республикасы Сыртқы істер министрлігінің таратылуы шектеулі ақпаратына қол жеткізу Қазақстан Республикасының Сыртқы істер министрлігі белгілеген тәртіппен жүзеге асырылады.