ҚР ДСМ Тамақ өнімдерінің қауіпсіздігі саласындағы санитарлық ережелерді жетілдіру мақсатында мүдделі тараптардан ұсыныстарды қабылдауды бастады

АСТАНА. 23 қазан. ҚазАқпарат -  Қазақстан Республикасы Денсаулық сақтау министрлігінің Мемлекеттік санитарлық-эпидемиологиялық қадағалау комитеті 2012 жылғы 22-25 қазан аралығында

Астана қаласында Комитеттің Көліктегі департаментінің (Қарасай батыр көшесі, 2А) базасында Тамақ өнімдерінің қауіпсіздігі саласындағы санитарлық ережелерді қайта қарау бойынша жұмыс тобы өз жұмысын бастайтындығын хабарлайды. 

Жұмыс тобында үкіметтік емес ұйымдардың өкілдері, өндірушілер, «Атамекен» Ұлттық экономикалық палатасының мүшелері болады.

Жұмыс тобы мүдделі тараптардан түскен барлық ұсыныстарды  зерделейтін болады.
Комитеттің бұл жұмысы денсаулық сақтау саласындағы заңнаманы жетілдіруге бағытталған.