ҚР ІІМ есірткі бизнесімен күрес комитетінің төрағасы интернет-пайдаланушылардың сұрақтарына жауап қайтарады
АСТАНА. Қыркүйектің 21-і. ҚазАқпарат /Дамир Байманов/ - Қыркүйектің 23-інде ҚР ІІМ-нің www.iim.kz және www.mvd.kz сайттарында ҚР Ішкі істер министрлігінің Есірткі бизнесімен күрес жөніндегі комитетінің төрағасы Жанат Қуанышұлы Сүлейменовтің қатысуымен интернет-конференция өтеді.
Бұл туралы Ішкі істер министрінің баспасөз хатшысы Қуанышбек Жұманов мәлімдеді.
Әңгіме полицияның есірткі қылмысымен күрес жөніндегі қызметі туралы болмақ. Сұрақтар ІІМ сайтының «Конференциялар» айдарында сағат 11-ден 12-ге дейін қабылданады.
