ҚР ҚК әскери бөлімдерінде жазғы оқу кезеңі қарсаңында дайындық іс-шаралары басталды
АСТАНА. ҚазАқпарат - Қазақстан Республикасы Қарулы Күштерінің әскери бөлімдері мен құрамаларында жазғы оқу кезеңіне дайындалу аясында даярлық іс-шаралары өткізілуде, деп хабарлайды ҚР ҚМ баспасөз қызметі.
Қазіргі уақыттаәскерлер мен жеке құрамның жазғы оқу кезеңіне дайындығын жоспарлы тексеру басталып кетті. ҚР ҚК әскери бөлімдері мен құрамаларында сапалы дайындықты ұйымдастыру мақсатында жазғы оқу кезеңінің тактикалық-саптық сабақтарын жоспарлау, ұйымдастыру және оларды өткізу жөніндегі нормативтік-құқықтық актілері әзірленуде.
Әскери бөлімдерде әскери қызметшілерді оқыту біліктілік талаптарын, атқаратын міндеттерінің ерекшеліктерін, шарттарын, атқаратын лауазымын ескере отырып, қауіпсіздік талаптары негізінде жасалды. Сонымен қатар, қару-жарақ пен әскери техниканы жазғы пайдалану режиміне ауыстыру, далалық жағдайларда сабақтарды өткізу үшін материалдық оқу-жаттығу базасын дайындау жөнінде жоспарлы жұмыстар жүргізілуде.
2017 жылдың Жауынгерлік даярлық жоспарына сәйкес Қазақстанның Қарулы Күштерінде маусым айының 1-9 аралығында Әскерлердің жауынгерлік даярлық мәселелері бойынша тактикалық-саптық сабақтар өтетінін айта кеткен жөн.
