ҚР Қорғаныс министрі министрлікке қарасты жоғары оқу орындарында болады

деп хабарлайды ҚазАқпарат министрліктің баспасөз қызметіне сілтеме жасап. Жұмыс сапарының мақсаты ? казармалық-тұрғын үй қорын пайдалануға беру, құрылыс-жөндеу жұмыстарымен танысу, оқу-материалдық базаны дамыту және оқу үрдісінде интерактивтік жабдықтарды пайдалану.Қорғаныс ведомствосының басшысы әскери жоғары оқу орындарының оқу-материалдық базасын аралап көреді, Құрғақтағы әскерлер әскери институтының, Радиоэлектроника және байланыс әскери-инженерлік институтының және Қорғаныс министрлігінің Әскери институтының оқытушыларымен және курсанттарымен жүздеседі.Сондай-ақ Қорғаныс министрі әскери пәндер кафедраларында, оқу корпустары мен кітапханаларда болады, курсанттардың тұрмыстық және демалыс жағдайларымен танысады. Бүгінде Қорғаныс министрлігінің мультисервистік ақпараттық білім беру ортасы құрылуда. Бұл - оқытудың заманауи әдістерін енгізуге, республиканың әскери оқу орындарындағы оқыту сапасын арттыруға және оны әлемдік стандарттар деңгейіне жеткізуге мүмкіндік береді. Оны енгізудің артықшылығы сол - әскери білім беру жүйесі оқытудың заманауи бағдарламалық-техникалық құралдарымен жарақтандырылатын болады.