ҚР Мемлекеттік хатшысы ведомстволық наградалар бойынша геральдикалық комиссия отырысын өткізді
АСТАНА. ҚазАқпарат - ҚР Мемлекеттік хатшысы Әділбек Жақсыбековтің төрағалығымен Қазақстан Президенті жанындағы консультативтік-кеңесші орган - Ведомстволық наградалар жөніндегі геральдикалық комиссияның отырысы өтті, деп хабарлады Ақорданың баспасөз қызметі.
«Отырыста ведомстволық және оларға теңестірілген өзге де наградалармен марапаттау жұмысының жай-күйі, «Еңбек ардагері» медалінің құқықтық мәртебесін бекіту, сондай-ақ ведомстволық наградалардың геральдикалық сипаттамасын жетілдіру жөніндегі ұсыныстар қаралды. Отырыс қорытындысында нақты тапсырмалар мен ұсынымдар берілді», - деп хабарланды сайтқа орналастырылған баспасөз баянында.
Ведомстволық наградалар жөніндегі геральдикалық комиссия Мемлекет басшысының 2011 жылғы 30 қыркүйектегі №155 Жарлығымен құрылған. Оның құрамына Президент Әкімшілігінің, Премьер-Министр Кеңсесінің, өзге мемлекеттік органдардың өкілдері, Парламент депутаттары, қоғам қайраткерлері және кәсіби мамандар кіреді.
Комиссияның негізгі міндеті - ведомстволық наградалардың нормативтік құқықтық актілерін және олардың геральдикалық сипаттамаларын жетілдіру.
