ҚР Мемлекеттік қызмет істері агенттігінде «А» корпусы мемлекеттік әкімшілік қызметтің кадр резервіне іріктеу мәселелері талқыланды
АСТАНА. 26 сәуір. ҚазАқпарат - 2013 жылғы 26 сәуірде Қазақстан Республикасы Мемлекеттік қызмет істері агенттігінде «А» корпусы мемлекеттік әкімшілік қызметтің кадр резервіне іріктеу мәселелері бойынша семинар-кеңес өтті. Бұл туралы ведомствоның баспасөз қызметінен хабарлады.
Семинар-кеңеске 29 мемлекеттік органдардың персоналды басқару қызметінің және Астана қаласы әкімдігінің қызметкерлері, сондай-ақ Еуропалық одақтың Қазақстандағы өкілдігінің сарапшылары қатысты.
Семинар барысында Қазақстан Республикасы Мемлекеттік қызмет істері агенттігі Төрағасының орынбасары Ә. Көмекбаев пен Мемлекеттік қызметті өткеру бөлімінің меңгерушісі Т. Жұмағұлов баяндама жасады.
Семинар-кеңес қатысушыларымен «А» корпусы мемлекеттік әкімшілік қызметтің кадр резервіне іріктеу мен қалыптастыру мәселелері қаралды.
Сонымен қатар, семинарда мемлекеттік қызмет туралы заңдағы өзгерістерді іске асыру мәселелері талқыланды.
Бейсен Сұлтан
