ҚР-ның батыс өңірлері мен оңтүстігінің жекелеген аудандарында жауын-шашын жауып, екпінді жел соғады - 26 қазанға арналған ауа райы болжамы

АСТАНА. 25 қазан. ҚазАқпарат - 26 қазан күні антициклонның ықпалымен Қазақстан аумағының басым бөлігінде жауын-шашынсыз ауа райы күтілуде, деп хабарлайды Қазгидрометке сілтеме жасай отырып ТЖМ-нің баспасөз қызметінен.

Республиканың батыс өңірлері мен оңтүстігінің жекелеген аудандарында атмосфералық ағымдардың әсерімен жауын-шашын жауып, екпінді жел соғады.

Жамбыл, Оңтүстік Қазақстан, Батыс Қазақстан облыстарында, күндіз Қызылорда, Атырау облыстарының бірқатар аймақтарында желдің күші 15-20 м/с дейін жетеді.

Түнде Павлодар, Шығыс Қазақстан облыстарының бірқатар аймақтарында тұман түсуі ықтимал.

Алдағы төрт тәулікте Батыс Алтай өзендерінде су деңгейінің төмендеуі байқалады. Республиканың оңтүстігі мен оңтүстік-шығысында су деңгейлерінің ауытқулары күтіледі. Қазақстанның солтүстік, орталық және шығыс облыстарының су нысандарында су бетінің одан әрі салқындауы байқалады, жекелеген кіші өзендерде бірінші мұздар пайда болуы мүмкін.