ҚР Премьер-Министрі ИДБ президенті мен «Exxon Mobil» өкілін қабылдады
АСТАНА. 2 қазан. ҚазАқпарат - Бүгін Үкімет үйінде Премьер-Министр Серік Ахметов Ислам Даму Банкінің президенті Ахмад Мохаммад Әли әл-Маданиді қабылдады.
Кездесу барысында тараптар екіжақты ынтымақтастықты дамытудың келешегі мен энергетика, көлік және агроөнеркәсіптік кешені салаларындағы бірлескен жобаларды жүзеге асыру мәселесін талқылады. Бұл жайында ҚР Премьер-Министрінің баспасөз қызметі хабарлады.
Сонымен қатар С. Ахметов бүгін «Exxon Mobil» корпорациясының аға вице-президенті Марк Альберспен кездесті. Онда мұнай-газ саласындағы ынтымақтастық мәселелері қаралды, оның ішінде Қашаған кен орнын өндіру мен жүзеге асыру жайы сөз болды.
