ҚР Премьер-Министрі Серік Ахметов Астананың бірқатар мәдени нысандарын аралады
АСТАНА. 14 ақпан. ҚазАқпарат - Бүгін ҚР Премьер-Министрі Серік Ахметов Астана қаласының бірқатар нысандарын аралап, Мемлекет Басшысының елорданы дамыту бойынша тапсырмаларының орындалу барысымен танысты, деп хабарлайды www.primeminister.kz сайтынан.
Атап айтқанда, С.Ахметов «Астана опера» Мемлекеттік опера және балет театрын көрді. Сондай-ақ, ҚР Тұңғыш Президентінің Қоры және Кітапханасы ғимаратының құрылысымен танысты. Бұл нысанның жалпы аумағы 30 мың. шаршы метрден астам.
Үстіміздегі жылғы ақпан айына дейін құрылыс жұмыстарының 40%-ы атқарылған нысанда 500- ден астам адам еңбек етіп жатыр. Сыртқы көрінісі ерекше шар кейіпті ғимараттың авторы - әлемге әйгілі сәулетші Норман Фостер.
