ҚР Президенті Телерадиокешенінің қызметкерлері марапатталды
АСТАНА. KAZINFORM – Бүгін ҚР Президенті Телерадиокешенінің 9 қызметкері ҚР Президенті Әкімшілігінің басшысы Айбек Дәдебай мен ҚР Президентінің кеңесшісі және баспасөз хатшысы Берік Уәлидің атынан алғыс хаттармен марапатталды.
Салтанатты рәсім бүгін Ақордада өтті.
Марапат алған қызметкерлердің қатарында Kazinform халықаралық агенттігінің Қытай редакциясының шығарушы редакторы Мұхтар Қалимолла, Документалды кино орталығының редакторы Нұрлан Қабдай және «Jibek Joly», «Silk Way» телеарнасының ішкі хабар тарату ақпараттық-талдау бағдарламалары қызметінің тілшісі Бақтияр Даркеев бар.
Сондай-ақ, ҚР Президентінің кеңесшісі және баспасөз хатшысы Берік Уәлидің атынан Jibek Joly/Silk Way телеарнасының сыртқы хабар таратудың ақпараттық-талдау бағдарламалары қызметінің бас редакторы, «New Time» ағылшын тіліндегі ақпараттық-талдау бағдарламасының және «Silk Way» телеарнасындағы «Reporter with President» жобасының жүргізушісі Айнұр Иманғали мен ҚР Президенті ТРК контент жасау бөлімінің графикалық редакторы Сапарбек Жақсылық алғыс хатқа ие болды.
