ҚР Президенті: Әлеуметтік желілерде жұмыс істеймін
НҰР-СҰЛТАН. ҚазАқпарат - Қазақстан Президенті Қасым-Жомарт Тоқаев «Россия 24» телеарнасындағы «Вести недели» бағдарламасына берген сұхбатында әлеуметтік желілермен қалай жұмыс істейтіндігін айтты, деп хабарлайды ҚазАқпарат.
«Маған әлеуметтік желілер жат емес, яғни әлеуметтік желілерде жұмыс істеймін. Кейбір тапсырмаларды WhatsApp арқылы беремін. Қауіпсіздік тұрғысынан дұрыс болмауы мүмкін, алайда тапсырмалар жедел түрде жүктеледі», - деді Қасым-Жомарт Тоқаев.
Бұдан бөлек, телеарна тілшісі Мемлекет басшысының Twitter-дегі парақшасы туралы сұрады.
Бұл орайда Президент Twitter-ді БҰҰ-дағы қызметінен бері пайдаланып келе жатқанын жеткізді.
«Ол жерде Twitter-де өзіңнің жеке парақшаңды жүргізу дұрыс саналатын. Байланыстың осы түріне әбден үйреніп қалдым. Twitter деген не? Бұл жеке телеграф агенттігің іспетті», - деді Президент.
Бұл тұрғыда Мемлекет басшысы аталған парақшасы арқылы өзінің пікірі мен тапсырмаларын жиі жариялап тұратынын, сондай-ақ көтерілген нақты мәселелер бойынша ел халқы жедел хабардар болатынын айтты.
«Сонымен қатар, менде Instagram-да парақшам бар. Бірақ та оны Президент болғаннан кейін аштым, яғни бұл парақшаны ашуға кеңес берді», - деді Қасым-Жомарт Тоқаев.
