ҚР Президенті: Мемлекетіміздің тұтастығын, бейбітшілік пен келісімді бірлесіп сақтай алдық
НҰР-СҰЛТАН. ҚазАқпарат - Мемлекетіміздің тұтастығын, бейбітшілік пен келісімді бірлесіп сақтай алдық. Бұл туралы ҚР Президенті Қасым-Жомарт Тоқаев твиттерде жазды, деп хабарлайды ҚазАқпарат.
«Мемлекетіміздің тұтастығын, бейбітшілік пен келісімді бірлесіп сақтай алдық. Азаматтарымыз экстремистермен күресте патриотизм мен бірліктің үлгісін көрсетті. Еліміз дамудың жаңа кезеңіне қадам басты. Бұл – шынайы жаңарудың кезеңі. Табысты әрі өркендеген Қазақстанды бірге құрамыз!», - деп жазды Президент
