ҚР Президенті сайлауының нәтижесі 3 мамырдан кешіктірілмей белгілі болады - Қ.Тұрғанқұлов
АСТАНА. ҚазАқпарат - ҚР Президенті сайлауының нәтижесі 3 мамырдан кешіктірілмей белгілі болады. Бұл туралы бүгін ҚР Орталық сайлау комиссиясының төрағасы Қуандық Тұрғанқұлов мәлім етті.
«Сайлау туралы заңға сәйкес 26 сәуірде өткен Қазақстан Республикасының Президентін сайлаудың соңғы нәтижесімен Орталық сайлау комиссиясы сайлаудан кейін жеті күн мерзімнен, яғни 2015 жылғы 3 мамырдан кешіктірмей белгілеуі тиіс», - деді Қ.Тұрғанқұлов.
Айта кетейік, кезектен тыс президенттік сайлауға дауыс беруге құқы бар Қазақстан азаматтарының 95,22 пайызы қатысты. Алдын ала деректерге сәйкес Елбасы Нұрсұлтан Әбішұлы Назарбаев сайлаушылардың 97,7, Тұрғын Ысқақұлы Сыздықов - 1,6 және Әбілғазы Әлиақпарұлы Құсайынов - 0,7 пайыз дауысын жинады.
