ҚР Президенті жанындағы «Орталық коммуникациялар қызметі» республикалық мемлекеттік мекемесі құрылды
АСТАНА. 5 қазан. ҚазАқпарат - Мемлекет басшысы Нұрсұлтан Назарбаевтың Жарлығымен Қазақстан Республикасының Президенті жанындағы «Орталық коммуникациялар қызметі» республикалық мемлекеттік мекемесі құрылды.
Бұл туралы Мемлекет басшысының баспасөз қызметі хабарлады.
Осы Жарлықпен Қазақстан Республикасы Премьер-Министрі Кеңсесінің «Коммуникация орталығы» республикалық мемлекеттік мекемесі мүлкі жаңадан құрылған мекемеге тапсырыла отырып таратылады.
