ҚР Тұңғыш Президентінің мұражайында Жапонияның қолданбалы өнерінен сыр шертетін көрме ашылды
АСТАНА. Ақпанның 12-сі. ҚазАқпарат /Гүлмира Әлиакпарова/ - Бүгін ҚР Тұңғыш Президентінің мұражайында Жапонияның Қазақстандағы Елшісі Нацуи Сигэо мен ҚР Мәдениет және ақпарат вице-министрі Асқар Бөрібаевтың қатысуымен «Жапонияның сәндік-қолданбалы өнері» көрмесі ашылды,
деп хабарлайды ҚазАқпарат.Н.Сигэоның атап көрсеткеніндей, экспозицияға жапондық қолданбалы өнер шеберлерінің металл, қыш, фарфор, тоқыма, шыны және ағаштан жасаған 90-нан астам экспонаты қойылды. Олардың ішінде ыдыс-аяқтар, тұрмыстық заттар, сәндік бұйымдар мен жиһаздар бар. «Көрмеге қойылған туындылар арқылы Жапонияның дәстүрлі шеберлерімен, көптеген жылдар бойы қолданылып келе жатқан қолөнер бұйымдарымен таныс бола аласыздар», - деді ол. Көрме «Мәдениет арқылы үнқату» халықаралық жобасы аясында ҚР Тұңғыш Президентінің мұражайымен және Қазақстандағы Жапон Елшілігі және Жапон қорымен бірлесіп ұйымдастырылды.
