ҚР ТЖМ аумақтық бөлімшелеріне жаңа арнайы және апатты-құтқару техникасы табыс етілді

АСТАНА. 17 қазан. ҚазАқпарат - ҚР ТЖМ қызметкерлерінің кәсіби мерекесі - Құтқарушы күні қарсаңында Астана қаласының орталық саябағы алаңында ҚР ТЖМ аумақтық бөлімшелерінің басшыларына әр түрлі сыныптағы және модельдік қатардағы арнайы өрт сөндіру және авариялық-құтқару автомобильдерінің, атап айтқанда L-32 автосатысы, АЦ-8-40 автоцистернасы, әмбебап, саңылаусыз күнгейі бар автомобиль (кезекшілік), жылжымалы өрт-техникалық зертхана (ЖӨТЗ), автобус, изотермиялық фургон (жылжымалы дәріхана), арнайы автомобиль, реанимобильдер, жедел-құтқару автомобилі, сүңгуір қызметіне арналған автомобиль, радиациялық, химиялық, биологиялық барлау автомобилі, Ssang Yong Kyron және Ssang Yong Actyon (пикап) автомобильдері, трейлермен аспалы қайық моторы бар құтқару катері, тіркемесі бар қарда жүргіш машина кілттерін табыс ету салтанатты рәсімі өтті.

Бұл туралы ҚР ТЖМ баспасөз қызметінен хабарлады.

ҚР ТЖ министрі В.К. Божко салтанатты рәсімді аша отырып, азаматтар мен ұлттық байлықты төтенше жағдайлардан қорғау қауіпсіздігін қамтамасыз ету Мемлекет басшысы қойған негізгі міндеттердің бірі болып табылатынын атап өтті. Бұл міндеттерді орындаудың сапасы авариялық-құтқару қызметтерінің техникалық жарақталуы деңгейіне тікелей байланысты. Қазақстан Республикасы Үкіметінің қолдау көрсетуі арқасында ҚР ТЖМ бөлімшелерінің материалдық-техникалық базасын нығайтуға бөлінетін қаржы қаражатының көлемі жыл сайын өсуде, оларды кезең-кезеңмен жаңарту және заманауи техникалық ресурстарымен қайта қаруландыру жұмысы жүргізілуде.

Ағымдағы жылы ҚР ТЖ министрлігінің иелігіне 164 бірлік арнайы көлік құралы қойылатын болады, оның ішінде:

2013 жылы отандық автоөндірушілерден 121 бірлік техника сатып алынды: АЦ-2,5, АЦ-4, АЦ-5 және АЦ-8 автоцистерналары, L-32 автосатылары, әмбебап, саңылаусыз қорабы бар автомобильдер (кезекшілік), 200-ӨСС өрт-сорғы станциясы, эвакуациялау лагері бар ауыр АҚА, автобустар, өтімділігі жоғары жеңіл автомобиль, кезекші автомобильдер, медициналық-құтқару реанимобильдері.

43 бірлік техника, олар Қазақстан Республикасында шығарылмайды, бірақ ҚР ТЖМ аумақтық бөлімшелерінің толыққанды қызмет етуіне қажетті, конкурстық негізде сатып алынды (көпмақсатты өрт сөндіру автомобилі, АЦ-30-70 автопоезды, жылжымалы өрт-техникалық зертхана, экскаваторлар, тербелмелі айдын, ерші сүйрегіш, қар жинаушы машина, жүк көтерімділігі 25 тонна автокран, ауыр жүк тасығыш жартылай тіркеме, цистерна тіркемесі, АЦ-2,5 және АЦ-4 автоцистерналарының балқымалы шынжыр табанды транспортерлері, жедел-құтқару автомобилі, арнайы автомобильдер, радиациялық, химиялық, биологиялық барлау автомобилі, сүңгуір қызметіне арналған автомобиль, изотермиялық фургон (жылжымалы дәріхана), қарда жүргіш машина).

ҚР ТЖМ сатып алатын барлық арнайы техника заманауи талаптарға сай, ТЖМ құтқару бөлімшелерінің төтенше жағдайлар шарттарындағы іс-әрекеттерге, апатты-құтқару және басқа аса қиын кезек күттірмейтін жұмыстарға әзірлігін қамтамасыз етеді.