ҚР ТЖМ басшысының орынбасары астаналық департамент қызметкерлерінің жұмыстан шығарылу фактісі бойынша түсініктеме берді

АСТАНА. 28 наурыз. ҚазАқпарат - Бүгін Астана қаласы бойынша ТЖД- да ҚР Төтенше жағдайлар вице-министрі Жанболат Смаилов жұмыстан шығарылған қызметкерлермен кездесіп, тиісті түсініктеме берді.

ҚР ТЖМ-нің баспасөз қызметінен хабарланғандай, олардың жұмыстан шығарылуына негіз ретінде «Сыбайлас жемқорлық туралы» ҚР Заңының бабын, департаменттің жүргізген қызметтік тексеру жұмыстарының нәтижесін мысал ретінде келтірді. Осының қорытындысы бойынша қолданыстағы мемлекеттік қызмет және сыбайлас жемқорлық туралы заңнама талабын бұзушылық фактілері анықталып, 66 оқиға расталды.

Кездесу барысында вице-министр ТЖ органының бұрынғы қызметкерлерінің сұрақтарына жауап берді.