ҚР Үкіметінің қаулысымен төтенше жағдайларды жоюды қамтамасыз ету мұқтаждығы үшін берілген реквизицияланған мүлікті есепке алу Ережесі бекітілді
АСТАНА. 7 сәуір. ҚазАқпарат - ҚР Үкіметінің қаулысымен Табиғи және техногендік сипаттағы төтенше жағдайларды жою жөніндегі іс-шараларды қамтамасыз ету мұқтаждығы үшін,
сондай-ақ құтқару және апаттық-қалпына келтіру жұмыстарын жүргізу кезінде берілген реквизицияланған мүлікті есепке алу ережесі бекітілді.
ҚазАқпарат құжаттың мәтінін таратады.
Қазақстан Республикасы Үкіметінің Қаулысы
Астана, Үкімет Үйі 2011 жылдың 6 қазанынан, № 1145 бұйрық
Табиғи және техногендік сипаттағы төтенше жағдайларды жою жөніндегі іс-шараларды қамтамасыз ету мұқтаждығы үшін, сондай-ақ құтқару және апаттық-қалпына келтіру жұмыстарын жүргізу кезінде берілген реквизицияланған мүлікті есепке алу ережесін бекіту туралы
«Мемлекеттік мүлік туралы» Қазақстан Республикасының 2011 жылғы 1 наурыздағы Заңының 46-бабының 2-тармағына сәйкес Қазақстан Республикасының Үкіметі қаулы етеді:
1. Қоса беріліп отырған Табиғи және техногендік сипаттағы төтенше жағдайларды жою жөніндегі іс-шараларды қамтамасыз ету мұқтаждығы үшін, сондай-ақ құтқару және апаттық-қалпына келтіру жұмыстарын жүргізу кезінде берілген реквизицияланған мүлікті есепке алу ережесі бекітілсін.
2. Осы қаулы алғашқы ресми жарияланған күнінен бастап қолданысқа енгізіледі.
Қазақстан Республикасының Премьер-Министрі К.МӘСІМОВ.
Мәтіннің ережесі республикалық БАҚ-да жарияланды.
