ҚР Ұлттық Банкі базалық мөлшерлеменің төмендеуі мүмкін екендігін жоққа шығармайды - Д. Ақышев
АЛМАТЫ. ҚазАқпарат- ҚР Ұлттық Банкі базалық мөлшерлеменің төмендеуі мүмкін екендігін жоққа шығармайды. Бұл туралы бүгін Алматыда өткен баспасөз мәслихаты барысында ҚР Ұлттық Банкінің төрағасы Данияр Ақышев мәлім етті.
«2016 жылғы 6 маусымда Ұлттық Банк базалық мөлшерлеменің деңгейін және пайыздық мөлшерлемелер дәлізін өзгеріссіз, 15 пайыз деңгейінде қалдырған болатын. Ондағы мақсат - теңгенің тартымдылығын нығайту. Енді, тәуекелдердің төмендеуіне және валюта нарығында оң үдерістердің байқалуына байланысты біз базалық мөлшерлеменің алдағы уақытта төмендеуі мүмкін екендігін жоққа шығармаймыз», - деді Д. Ақышев.
Айта кетелік, базалық мөлшерлеме бойынша ҚР Ұлттық Банкінің келесі шешімі 2016 жылдың 11 шілдесінде жарияланады.
