ҚР Ұлттық банкі қайта қаржыландыру ставкасын 7,0 пайыздық деңгейде белгіледі
АЛМАТЫ. Қаңтардың 5-і. ҚазАқпарат / Әділет Мұсахаев / - «Қазақстан Республикасының Ұлттық банкі туралы» ҚР Заңына сәйкес 2010 жылғы 1 қаңтардан бастап ҚР Ұлттық банкінің ресми қайта қаржыландыру ставкасын жылдық 7,0 пайыздық деңгейінде белгілеуге шешім қабылданды.
2009 жылдың қорытындылары бойынша инфляция 6,2 пайыз болған. 2010 жылғы І-тоқсанда жылдық инфляция 7 пайыздан аспайды деп күтілуде. Осыған байланысты ресми қайта қаржыландыру ставкасын бұрынғы 7,0 пайыз деңгейінде сақтау барынша мақсатқа сай болып табылады.
